عيـد عرش مجيد، و كل عــام و الإنسانية بخير .
البــارح كان عيد العرش عـادي جدا، غيـر هو عيد العرش هاذ العام ماشــي كيباقي العوام ، هاذ العام كان فيه العفو الملكـي سخي بزايد و عـادي جدا، ولاكن لــي ماشي عادي هو هو هاذ العفو يشمل واحد الإسباني و اغتصب 11 طفل لي عمرهم مابين 3 و 11 سنة وتصويرهم ، ماعارفينش حتى شنو وقع ليــهم ، ولي تحكم عليهم إعـشو بعقدة نفسية حياتهم كاملة، و لـي كانت محكمة القنيطرة حكمت على سي دنييل ب 30سنة من السجن ، ( نعم ســي دنييل مع كل هاذشي لي دار كان من الضروري يلقب بالسي دنييل ، و عــادي جدّاً ،) ماغاديــش نعود القصة كاملة حيــث أكيــد كلشي عارف شنو و قع ....
ماشــي حيثدراري صغارلي تغتاصبــو لا ، عـــادي جدّاً، العام كامل كيتغتاصبو حتى قرب إبان لينا هاذشي عـــادي جدّاًماشــي حيثهاذشي وقع فالمغرب لا ، عـــادي جدّاً.ماشــي حيثخوان كارلـوس طلب من محمد6 هاذشـي لا ، عـــادي جدّاً.ماشــي حيثهاذشي ، عـــادي جدّاً لا .
- ولاكــن حيـــث، فالوقت لـي سي الرميد كايتعلق ليـه الوسام الملكـي، إستقلالية القضـاء كالتغتصـب.
- ولاكــن حيـــث، فالوقت لـي تغتاصبو هاذوك الأطفـال كانـو جمعيات المجتمع المدنـي واقفين على التصاور و الترزق بعرض هاذ الأطفال، و لاكن مني سيدنا عطا العفو، و لينا نسمعو رئيسة جمعية "متقيش ولدي"، نجاة أنوار، أنه "من حق ملك البلاد وحده تقدير من يستحق عفوه"
- ولاكــن حيـــث، فالوقت لي تغتـاصبو هاذ الأطفـال من هذاك الإسبـاني ، كانت الإنسانية فالمغرب كالتغتاصب على حساب العلاقــات الأخوية و الإستراتيجية بين الطرفين .
شكرا للعفو الملكي، وضعنا أمام حقيــقة قيــمة الإنسان و الإنسانية في المغرب .
منـي غادي كبرو هاذ الدراري و هما عارفـين بأنه سيد لي عقدهم حر في إسبانية و السيد لي خاصو يحميهم هو لي عطاه حريتو و الوطن لـي خسو يوقف معاهم كان كيتفرج فهاذشي ....
واش باغين تخرجوا للشارع باركا من الشفوي والتعليقات وراء الحاسوب ،
هذي راه فرصتكم يا مغاربة لتؤكدوا أن الشعب المغربي شعب له عزة وكرامة وله غيرة على أبناء الدراوش وأنه لن يصمت على الظلم والحكرة نعم لوحدة الشعب المغربي والتغيير السلمي لكن يجب أن تصل رسالتكم للتظام ،
أينكم يا جمعيات حقوقية ديال الكذوب ويا جمعيات مدنية وأمازيغية ...
