- مــومو ديال هيت راديــو .. كلشــي كيعرفوا ب مومــو ولاكن قليــل لي كيعرفوه ب محمد بوصفيــحة ، قبل مايبدا فهيت راديو كانت عندوا تجربة فراديـو 2M ، و فسنة 2006 كانت بدايتو مع هيــت راديو مع بداية الإداعـات الخاصة ،
إلا أن هيــت راديو كانت من أول الإداعات لي كتستاضف الفنانــين الشباب فالوقت لي كانو مهمشيــن من الساحة الفنية فالمغرب على عكس دابا كلشي كيغنــي الراب ، هادشـي ليـخالاها الإذاعة الأقرب للشباب و الأكثر شعبية .
- المهــم رجعـوا لمومــو ، فبـيداياتو فهـيت راديو
كــان كيقدم برنامج سميتـو " D-Dikass " لـي كان كيعطي فيه الفرصة للمستمعيــن اختارو
الأغنية لي بغاو و يسلمو علامن ما بغاو ، هنــايا بدا كايبان بيلا هاذ الشاب عندو مايقول
فهاذ المجال ، المهم من بعد ولـى كيقدم برنامج سميــتو " Libre Antenne " لي سميتــو
كتعبر عليــه و كـان الشعار ديالوا هو الحرية
و تقــول لـي بغيتي ، المهم هاذ البرنامج لـي
كان معاه كمساعديـن أيـوب جليـلة و إلهام ، كــان عليه إقبـال كبير خصوصا من طرف الشباب
و المراهقيـن ، نظرا لطبيعة البرنامج لي كان كايناقش مواضيــع ديال الشباب و مواضيـع
لي كانت طابوهات حشومة و مكاتقالش قدام الناس بالرغم من أهميتها ، من قبيــل الخيانة
الزوجية والعجز الجنسي ... ،
بالإضافة للعديـد
من الفقرات الترفيـهية ككيفية قضاء سهرات السبت ، و محاولات الإغراء عبر الهاتف ، ولاكن
فالحقيــقة هاذ البرامج كاملة كانت برامج مستنسخة من الإداعات الفرنسية و أخص بالذكر " C’Cauet sur NRJ " لي مازال الحد الآن كيتبث فNRJ بنفس الفقرات ، غير أن مومو كــان كتناول هاذ المواضيــع بواسطة اللهجة العامية التي تطغى عليها الفرنسية
، حيث يتم فيها تناول المواضيع المطروحة بلغة "صادمة اعتبرها الكثير من الناس
على أنها لغة و أسلوب غير لائق بالمرة .. هنايا كيدخل " الهاكا " المجلس
الأعلى للاتصال السمعي البصري ، و كيوقف بث " Libre Antenne " على الشبكة الهرتزية الأرضية وعلى شبكة
الانترنيت ، 15 يوم ، بدعوى الإخلال بالقيم الدينية والنظام العام والأخلاق العامة
.
- المهــم من بعد هادشــي رجع مومو ببرنامج تحت اسم
" La Click de Momo " لــي كان فنفس الوقت و بالنفس جرءت البرنامج
السابق غيــر هاذ المرة ولى مومــو و سطونظار راديــن بالهم معامن كيهدروا و شنـو كيتعال
، المهم مومــو تعلم من درس الهاكــا بطريقة إيجابية ،
- 2010 بدا مـومو تجربة
جديــدة مع برنامج " Morning
de MOMO " هاذ التجربة
الصعــوبة ديالها فأنه بدل بشكل 360° التوقيــت لي عرفوه بيــه الناسس هو 20h أو ولى
مع 8h هنا كان خاصـو يعاود ولفو المتتبعـين ديالو على هاذ التحول ، المهم مومـو كان
قادر على هاذشي برفقت المساعديــن ديالو أيوب جليـلة و اسمهان و سيف الديـن دنيا ،
غيــر أنه التحول هنايا ماكانش غيــر فالتوقيـت فحتى الفقرات كانت جديد و جدية كثر
فكان اهتمام بالأخبار و الرياضة و الفن مع استمرارو فاستضافة الفنانة الشباب و حتى
بعض الوزراء ، أنا بالنسبة ليا كرأي خــاص هنا كانت أحسن فترة ديــال مومو ، بالإضافة
إلى أنه هنا بقى محافظ على جمهورو الأول هوما الشباب وتعداه إلى فئات عمرية أخرى نظرا
لجدية البرنامج ولاكن مع واحد لمسة ديال الفكاهة لي كان معروف بيـها ، و خلات هاد الفئات
العمرية تكتشف شنو كايبغيو الشباب شنو كيسمعو و شنو كايقولو كلشــي من خلال "
Morning de MOMO "
.
- لاكن المهم و لي دفعنــي نكتب هاذشي كامل هو فالفترة
الأخيرة و كرجع نقول من وجهة نظري الخاصة نقدر نكون خاطئ ونقدر نكون كنتافق معا بزاف
ديال المستمعيــن ، مومو فالفترة الأخيرة و بالتحديـد مع الفريـق الجديـد ديال البرنامج
مور مامشاو أيوب و سيف الدين و اسمهان ، ولــى غيــر التخربيـق أو ما يصطلح عليه
" غيــر كعور وعطــي لعور " هاذ
لعور لــي مكيسمع ليــك غيــر حيـث فشي وقت كنتي كتفيدو كـان كيطيـر باش ادخل للدار
و يسمع لـيك ، هاذ العور لــي أنا أكيــد كون النهار لول ليغادي اسمعك ويلقاك فهاذ
المستوى ماكانش غادي يزيد اسمع مرة أخرى ، أنا شخصيا كنسمع دابا غيــر باش شــي نهار
نشعل راديو و لقى مومــو لكانت كانسمع ليــه هاذي شحال ونقـــول هاذشي ديال دبــا كانت
غير سحابة و دازت ،
حليـــنا من شي بارودي ديال الأغــاني معندهم حتى
معنى بالعكس مافيــها باس هي فالأصل فكرة مزيانة داروهـا الناس و صدقات ليـهم ولاكن
ماشي بكلمــات معندهم حتى معنى " هز البــوط " ســي الحولــي " و أخيــرا
" عنيــدة " .. و بــزاف .
المـــهم ماعليــناش ، فالأخر بغيــت غيــر نقــول هيت راديو كاتبقى المتنفس الوحيــد للشباب حيــث ماكيــنش بديــل ، مثلوتوش هاذ المتنفس ، مــاكـينش بديــل فالتلفزة متخليـوناش نسمعـو للراديـووات ديال الناس كيما كنشوفو تلفازتهم ، خليــونا حنى هوما حنى .
هــدي واحد الرسالة خلاها شــي مستمع فالصفحة الرسمية
ديــال مومو لي كاتلخص بزاف داكشي لي قلت .
Ayoub Zakkour > MOMO HIT RADIO
Je tenais à te dire que j'étais l'un de tes plus grands fans au tout début de ton émission avec ayoub, sifeddine Dounia et smahane mais sache que maintenant je regrette cette époque où j'étais impatient de t'écouter chaque matin tellement tu me faisais rire je regrette le temps où tes débats étaient d'un niveau plus élevé que les stupidités que tu racontes à présent. Sache que je parle au nom de plusieurs fans déçus en disant qu'on en a marre de t'écouter radoter tout seul pendant 3 heures avec en bruit de fond les rires superficiels de ta complice qui ne sert à rien et dont personne ne connaît le nom.
Monsieur Bousfiha sachez que si l'on connaissait la télé poubelle eh bien vous avez créé la radio poubelle après des débuts prometteurs vous avez vite atteint vos limites.
Je tiens à dire qu'il s'agit là d'une critique constructive et non de méchanceté gratuite et arbitraire ayant pour but de te réveiller de ton comas culturel.
Ps: les pseudo parodies de chansons que tu fais c'est de la merde pure. Au lieu de chercher à faire découvrir de nouveaux talents inconnus et qui font de l'art vrai (contrairement à toi) tu nous balance tes délires musicaux qui ne servent à rien à part à abrutir encore plus les esprits simples ainsi qu'à approfondir le gouff
هـــذا مــاكــان السلام عليـــــكم ..... خالد زوبيدي
